Prej vitesh, Besi dhe Xhensila jetojnë një dashuri të lumtur. Këtë vit, ҫifti i dashuri i publikut kanë vendosur të lidhin kurorë pas shumë viteve fejesë dhe bashkëjetesë.
Edhe pse janë kujdesur që marrëdhënien e tyre ta mbajnë larg vëmendjes mediatike, ka qenë e vështirë të qëndrojnë jashtë fokusit të aparateve. Aktori i “Portokallisë” dhe këngëtarja e njohur kanë nisur tashmë përgatitjet për ditën më të lumtur të jetës.
Kureshtjen e publikut, sot e kanë nxitur disa foto të publikuara nga Bordo, nga ceremonia e fejesës së Besit dhe Xhensilës disa vite më parë. Siç shihet, të dy duken më të rinj, por njëlloj simpatikë dhe të lumtur në praninë e njëri-tjetrit.
Megjithëse festa ka qenë familjare dhe diskrete, Besi nuk mund të zhvishej nga roli i aktorit. Jo vetëm ka interpretuar, por edhe ka kërcyer me nusen e tij të ardhshme i veshur me kostumin tradicional.
