Stephen Paddock është autori i sulmit të ndodhur mbrëmjen e djeshme në Las Vegas, ku humbën jetën 50 persona dhe u plagosën mbi 200 të tjerë. 64-vjeçari resident në Nevada, ndodhej në hotelin “Mandalay Bay”, dhe në orën 22:30 të mbrëmjes së djeshme ka qelluar me armë mbi njerëzit që ndodheshin aty për të parë një koncert.
Policia tha se autori u gjend më pas i vrarë në dhomën e hotelin, ku u gjetën edhe 10 armë të ndryshme. Policia e cilësoi krimin si akt i një personi të vetmuar, qëllimet e të cilit mbeten të papërcaktuara. Më pas Shteti Islamik ISIS, mori përsipër sulmin, duke u shprehur se Paddock ishte konvertuar në mysliman disa muaj më parë. Nga ana tjetër policia nuk ka gjetur prova të mjaftueshme për ta cilësuar si një sulm terrorist.
Autori jetonte në në shtëpi me një grua 62-vjeçare të quajtur Marilou Danley, e cila pasi u morr në pyetje nga policia u zbulua se ajo nuk kishte lidhje me këtë ngjarje./Opinion.al
