Në moshën 34-vjeçare, Sokol Cikalleshi i dha lamtumirën Kombëtares shqiptare pasi mbeti jashtë listës së Euro 2024.
Në një postim në rrjetet sociale, ai shprehet krenar, por zemërthyer, ndërsa i uron suksese shokëve të tij në Kampionatin Europian. Një prej tyre është edhe Mirlind Daku, një nga sulmuesit, të cilët Sylvinho ka grumbulluar për në Gjermani. Daku ka reaguar ndër të parët pas lamtumirës së Cikalleshit nga Kombëtarja.
Në një postim në rrjetet sociale, Daku shkruan se për të ka qenë një privilegj i madh që ka luajtur me Cikalleshin. “Privilegj i madh me të taku e me nda emocione së bashku. Dashtë Zoti je mirë, Sokol Cikalleshi!”, shkruan Daku në Instagram.
