Plazhi i Livadhit, i referuar shpesh si parajsa e fshehur e Evropës, ofron një arratisje perfekte për turistët britanikë për festën e Pashkëve por edhe për festa të tjera që ata i kanë ditë pushimi.
Tabloidi britanik “Daily Express” se ky plazh i qetë në Himarë premton një strehë të lumtur, ku turistët mund të relaksohen larg turmave të turistëve.
I vendosur përgjatë Rivierës Shqiptare, ky plazh ka një shtrirje të gjatë piktoreske të përkryer për t’u çlodhur. Me ujëra të pastër kristal, parkime të lira dhe terrene kampingu ky plazh ofron gjithçka që një turisti të huaj i nevojitet për një pushim relaksues.
Për të shkuar në plazhin e Livadhit, turistët britanikë duhet të fluturojnë drejt në Aeroportit Ndërkombëtar të Tiranës.
Ka shumë opsione fluturimi të përballueshme nga Mbretëria e Bashkuar në Tiranë, duke përfshirë fluturime direkte nga Londra.
Në shkrim theksohet se me pak fat në periudha të caktuar të vitit britanikët mund të gjejnë bileta që kushtojnë vetëm 14,99 Paund.
Distanca nga Aeroporti i Tiranës në plazhin e Livadhit është rreth 170-180 kilometra, kështu që, në varësi të trafikut dhe kushteve të rrugës, udhëtimi konsiderohet pak i lodhshëm por në fund kjo përvojë do të shpërblehet.
Klan News
