Komisioneri për Fqinjësinë dhe Zgjerimin, Oliver Varhelyi ka është larguar nga takimi me kryeministren serbe Ana Brnabiç pas deklaratave që bëri kundër tij në takim ministri i Jashtëm serb Ivica Daçiç.
Siç raporton media serbe “Blic”, Daçiç iu bashkua takimit një orë më vonë dhe deri në atë moment situata ishte krejt normale. Më pas ai iu drejtua komisionarit se nuk dinte se ku kishte ardhur dhe e akuzoi atë se nuk kishte reaguar kur sipas tij ishin rrëmbyer manastiret serbe në Kosovë dhe ndaj tarifës së vënë nga Prishtina.
“Ai ishte shumë i pasjellshëm. Ai i tha atij se nuk e din se ku ka ardhur dhe se po heshtë ndërsa dikush rrëmben manastiret serbe në Kosovë dhe heshtë për taksën e vendosur nga Prishtina për mallrat nga Serbia”, raporton “Bilc” se ka thënë një burim i saj i cili merrte pjesë në takim.
Kryeministri, si dhe Ministrja e BE Jadranka Joksimovic dhe Ministri i Brendshëm Nebojsa Stefanoviç nuk e prisnin këtë reagim të Daçiç dhe mbetën jashtë këtij diskutimi.
Më pas Komisioneri për Zgjerimin Varheli ndezi mikrofonin dhe iu drejtua Ministrit të Jashtëm serb:
“Unë jam i vetmi komisioner evropian që reagova ndaj tarifave. Dënova atë që po ndodh në Mal të Zi, Serbia është vendi i pare, që erdha pas prezantimit të metodologjisë së re dhe erdha këtu për t’ju ndihmuar”, tha Varheli.
Pas kësaj, ai fiki mikrofonin, iu afrua kryeministres Ana Brnabic shtrëngoi duart dhe doli nga dhoma e takimit.
Më pas burimet e “Blic” kishin tentuar ta pyesnin ministrin e Jashtëm serb, Daçiç pse e sulmoi komisionerin ai tha se “nuk sulmoi atë, por BE-në”.
“Unë sulmova BE për të mos respektuar Marrëveshjen e Brukselit, për futjen e Kosovës në Kapitullin 35, kështu që tani gjithçka varet nga ata”, tha Daçiç.
Pas këtij takimi, qeveria serbe nuk lëshoi asnjë deklaratë për të sqaruar situatën. /Opinion.al
