Ministri i Punëve të Jashtme i Serbisë, Ivica Daçiç, ka thënë se për momentin është e pamundur të gjendet një zgjidhje në lidhje me çështjen e Kosovës, ndaj e vetmja gjë që mbetet për të bërë është të respektohet gjendja në terren
Në një intervistë të dhënë për O2, kreu i diplomacisë serbe ka theksuar gjithashtu se Kosova e ka të pamundur të ketë kontroll mbi veriun e vendit.
“Është e pamundur që të gjejmë një zgjidhje adekuate të çështjeve të Kosovës, përveç respektimit të gjendjes në terren. Në këtë rast, veriu i Kosovës nuk mund të jetë nën sovranitetin e Prishtinës dhe ky është fundi”.
Daçiç ka folur gjithashtu edhe për ndërprerjen e dialogut Kosovë – Serbi. Për këtë gjendje ai ka bërë përgjegjës mosmarrëveshjet mes BE dhe SHBA.
“Nëse bashkësia ndërkombëtare vendos që çështja e Kosovës duhet të mbyllet, ajo do të zgjidhet shpejt, por ka mosmarrëveshje, jo ndërmjet Perëndimit dhe Rusisë dhe Kinës, por midis vendeve europiane dhe SHBA” tha Daçiç. /Opinion.al
