Emina Çunmulaj ka një nga profilet më të këndshme në Instagram. Ajo është ndër shqiptaret më të ndjekura, por ka edhe pëlqimin e shumë të huajve. Duke qenë se Emina ka ndjekës nga e gjithë bota shpesh i duhet të shkruajë në anglisht, por ditën e djeshme Instagramin ia ka kushtuar shqiptarëve.
Vëllai i saj ka mbërritur pak ditë më parë në vendin ku ajo jeton për ta vizituar, dhe në Insta Story shihet duke folur shqip dhe duke shkëmbyer batuta me të. Por diçka i ka bërë përshtypje Eminës: ajo ka mësuar nga i vëllai që në Shqipëri nuk merr gjobë nëse nuk ke lidhur rripin e sigurimit kur je më i gjatë se 193 cm.
Ky fakt duket se e ka çuditur shumë modelen shqiptare aq sa ka vendosur ta ndajë edhe me ndjekësit në Instagram. Ajo thotë se “ka mësuar diçka, më të fortën që ekziston” në gjuhën shqipe, por ndoshta do të ishte më interesante që këtë fakt ta ndante me ndjekësit e saj të huaj.
Ajo ka vijuar ditën duke shkëmbyer batuta me vëllain e saj në një qendër tregtare, e sigurisht duke i ndarë me ndjekësit./Opinion.al
