Një rast i çuditshëm ka ndodhur në San Diego të Argjentinës, kur një nënë ka lindur binjakë, por në dy vite të ndryshme.
Vajza e cila ka lindur e para ka ardhur në jetë 2 minuta përpara ndërrimit të viteve dhe do ta festojë gjithmonë ditëlindjen e saj në datë 31 dhjetor, ndërsa djali i cili ka ardhur në jetë një minutë pas ndërrimit të viteve do ta festojë ditëlindjen gjithmonë me 1 janar edhe pse ata janë binjakë dhe do të duhet ta festonin me një ditë.
Mjekët e spitalit kanë thënë se kjo nuk ka ndodhur asnjëherë më parë në spitalin e tyre. Fëmijët është dashur të lindin në 6 janar në lindje cezariane, por kanë lindur në mënyrë normale. Djali është edhe fëmija i parë i vitit 2016 në San Diego.
