Në një dalje për mediat, pas mbledhjes së qeverisë, ministri i Brendshëm Bledi Çuçi, bëri me dije se është vendosur që të gjithë mjetet e identifikimit që skadojnë deri më 14 maj, do të jenë të vlefshme për zgjedhjet lokale.
Ministri ka theksuar se me këtë vendim të gjithë qytetarët kanë të drejtë që të votojnë në zgjedhje.
“Sot miratuam në Këshillin e Ministrave vendimin për shtyrjen e afatit për dokumentat e identitetit të shqiptarëve të cilat skadojnë në 14 Maj. Është një shtyrje që vjen si rezultat i një konsultimi me KQZ-në që mbart shqetësimet e partive politike duke parë numrin numrin e madh të dokumenteve që skadojnë apo kanë skaduar apo skadojnë deri në 14 Maj, vendosëm që ta shtyjmë afatin dhe në këtë mënyrë, të gjithë shtetasit mund të votojnë në 14 Maj pavarësisht se dokumenti i tyre i identitetit ka skaduar”, ka thënë ministri.
