Kryeministri Rama së bashku me kabinetin e tij qeveritar, nga teatri “Migjeni” iu kanë shprehur mirënjohjen qytetarëve shkodranë që i besuan kësaj force politike drejtimin e bashkisë.
Në këtë takim ka qenë i pranishëm edhe Ministri i Brendshëm Çuçi, i cili ka premtuar se do të vendosin në kontroll të plotë territorin e Bashkinë Shkodër në mënyrë që të mos cënohet asnjë pjesë e territorit nga krimi i organizuar.
Bledi Çuçi: Për fat të keq, Shkodra ka qenë një nga ato zonat e nxehta përsa i takon krimit të organizuar dhe trafiqeve në këto 30 vitet e fundit të tranzicionit. Ne jemi përpjekur shumë, kemi bërë shmë, kemi shumë arritje. Diku kemi fituar mbi të, diku nuk ja kemi dalë me sukses siç duhet, por sot jemi këtu sepse është një moment i veçantë për Shkodrën, moment historik i çlirimit të energjive në Shkodër. Të gjithë këto energji, kanë nevojë për një mjedis të sigurtë. Jemi këtu që të ju premtojmë që ne do të bëjmë gjithçka që të vendosim një kontroll të plotë të territorit në të gjithë Bashkinë e Shkodrës dhe të mos cënohet asnjë pjesë e territorit nga krimi i organizuar dhe nga trafiqet. Këtë kemi filluar ta bëjmë duke ristrukturuar në qendër të gjithë strukturën e Policisë. Është një faqe e re historike. Shumë shpejt ju do ta ndjeni të gjithë ndryshimin që do të vijë nga ristruktimi i Policisë së Shtetit.
