Kreu i SPAK, Altin Dumani, prezantoi këtë të enjte në Kuvend raportin vjetor të vitit 2022 të institucionit që ai drejton.
Deputetja demokrate Albana Vokshi pyeti se çfarë po ndodh me kallëzimet për krimet elektorale të 2021 të bëra nga vetë ajo dhe nga Partia Demokratike si dhe për çështjen e McGonigal.
Dumani tha se pjesa më e madhe e çështjeve janë nën hetim ndërsa theksoi se nuk mund të raportojë për çështje konkrete.
Albana Vokshi: Çfarë po bëni me kallëzimet për krimet elektorale të 2021. Nuk kemi marrë asnjë përgjigje. Pse nuk është hapur asnjë hetim për aferën Mc Gonigal?
“Pjesa më e madhe e tyre janë në hetim. Nuk mund të jap të dhëna e të raportoj për çështje konkrete. Por përsa kohë janë në hetim, ndaj me ju të njëjtën shqetësim me ju lidhur me disa cështje që janë të mbartura që kanë kohë në hetim dhe duhet të disponohen nga prokurorët me një vendimmarrje. Unë si drejtues prokurorie kam të drejtë ti krijoj kushtet dhe infrastrukturën e nevojshme. Që nga dita e parë në këtë detyrë jam përpjekur ta bëj dhe shpresoj që në të ardhmen të kemi përgjigje me vendimmarrje”-tha Altin Dumani.
