Më shumë se 31 milionë persona në të gjithë botën janë prekur nga koronavirusi. Sa i përket viktimave, infeksioni ka shkaktuar mbi 960 mijë jetë të humbura.
Shtetet e Bashkuara të Amerikës vijojnë të jenë vendi më i prekur, me 6.8 milionë të infektuari, ndërsa jetët e humbura janë rreth 200 mijë.
Entuziazmi i Trump për të promovuar një vaksinë nuk është pritur mirë nga amerikanët pasi 69% e tyre nuk i besojnë deklaratave të Trump për vaksinën kundër Covid-19, sipas një sondazhi të ABC dhe Ipsos.
Por bota ka dhe shembuj suksesi. Zelanda e Re ka njoftuar heqjen e të gjitha masave kufizuese anti-covid.
“Siç mund ta shikoni, veprimet tona kolektive kanë bërë që ta mbajmë virusin nën kontroll. Pa asnjë rast të ri në vend dhe 7 ditë radhazi pa asnjë rast të ri me vatrën në Okland, ne jemi në një pozicion të fuqishëm për lëvizjen e radhës, heqjen e kufizimeve tona”, tha kryeministrja e vendit.
Zelanda e Re ka raportuar që prej nisjes së pandemisë, 1400 të infektuar me koronavirus dhe vetëm 25 viktima./Opinion.al
