Ministrja e Shëndetësisë, Ogerta Manastirliu, ka reaguar për ndarjen nga jeta të infermierit Pëllumb Maletaj si pasojë e Covid19.
Manastirliu shpreh trishtimin për këtë ngjarje të trishtë, duke e konsideruar Maletajn si njeri të palodhur dhe punëtor që i dedikoi jetën profesionit fisnik.
“E trishtuar për ndarjen nga jeta në moshën 63 vjeçare të Pëllumb Maletajt, infermierit të palodhur e punëtor, që i dedikoi jetën këtij profesioni fisnik, duke shërbyer me përkushtim e profesionalizëm.
Pëllumbi nuk ia doli dot në betejën e vështirë me COVID19, pavarësisht përpjekjeve të pakursyera të stafit tonë mjekësor. Ngushëllime të sinqerta familjes, miqve dhe kolegëve për humbjen e njeriut të dashur. U prehtë në paqe”, shkruan ministrja./Opinion.al
