Shpresa për një vaksinë anticovid pa dritën jeshile, kur një grup kërkuesish nga universiteti i Oksfordit njoftoi se ajo mund të ishte gati brenda muajit shtator.
Profesoresha Sarah Gilbert, e cila drejton kërkimin më të avancuar në Britani për një vaksinë, deklaroi se është 80% e sigurt që arritja e ekipit të saj do të fillojë të funksionojë brenda vjeshtës, por kjo fillimisht për stafet mjekësore dhe punonjësit e rendit publik.
Vaksina që është në fakt një bashkëpunim italo-britanik pritet të nisë testimet tek 550 vullnetarë të shëndetesise, në Britani në fund të muajit prill. Instituti Italian Advent njoftoi se 1 mijë dozat e para të vaksinës për testet klinike do të prodhohen nga laboratori i tyre në Pomezia.
Ky lajm ka nxitur reagime në rrethet shkencore, lidhur me mundësitë reale të prodhimit të kësaj vaksine dhe nga ana tjetër ka vënë në diskutim, arritjen e prodhimit të saj për të mbuluar gjithë popullatën.
Dr Colin Butter nga Universitetit i Linkolnit tha se grupi i profesoreshë Gilbert ka krijuar një vaksinë rekombinante, duke përdorur një virus jo të dëmshëm njerëzor brenda të cilit fusin proteinë nga gjeni i koronavirusit.
Ky grup ka qenë i suksesshëm në kërkimet e tij edhe me një vaksinë te MERS, por në këtë fushë duhet edhe fat. Butter ka shtuar se edhe nëse kjo vaksinë do të jetë e suksesshme, do të duhen 18 muaj para se të mundësohet vaksinimi i të gjithëve./Opinion.al
