Në 24 orët e fundit në Shqipëri janë regjistruar 17 raste të reja me koronavirus, ndërsa janë shëruar 9 persona. Deri më sot janë kryer mbi 12 mijë testime dhe janë konfirmuar pozitivë me COVID-19 në të gjithë vendin 933 qytetarë.
Ndërkohë, ministria e Shëndetësisë ka dhënë informacion dhe për situatën në spitale ku trajtohen të prekurit me COVID-19.
Ministria thotë se situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 19 pacientë dhe vetëm 4 prej tyre janë në terapi intensive.
Sipas të dhënave, aktualisht janë 188 persona aktivë me COVID19, kryesisht ne Tiranë, Krujë, Shkodër, Durrës, Kamëz, Berat./ Opinion.al
