Është rritur numri i viktimave nga koronavirusi në Serbi. Mësohet se në 24 orët e fundit kanë humbur jetën 11 persona.
Shtabi i Krizës në Serbi njoftoi se pas testimit të 8.393 personave, janë konfirmuar edhe 351 raste të reja me COVID-19.
Gjendja në spitalet ku trajtohet pacientët me COVID-19 është e rëndë. Të mërkurën, ministri i Shëndetësisë në Serbi, Zllatibor Lonçar tha se të gjitha spitalet janë mbi 90 për qind të mbushura me pacientë.
Aktualisht, 169 pacientë po trajtohen me anë të respiratorit. Numri i përgjithshëm i vdekjeve që nga fillimi i epidemisë është 429 persona, dhe numri i përgjithshëm i të infektuarve 19,334.
