Kancelarja gjermane Angela Merkel, këtë të shtunë, është treguar e prerë me bizneset. Merkel është shprehur se, ndihma që Gjermania po u jep bizneseve nuk do të zgjasë përgjithmonë.
Sipas saj qeveria, bizneset dhe të tjera struktura të rëndësishme në këtë zinxhir, duhet të punojnë së bashku për të tejkaluar pandeminë.
“Qeveria federale, shtetet dhe këshillat duhet të punojnë së bashku në mënyrë konstruktive që të tejkalojmë pandeminë dhe pasojat e saj në mënyrën më të mirë të mundshme”, tha Merkel.
Këtë të martë pritet që Bundestagu të diskutojë për buxhetin e vitit të ardhshëm, shpenzimet dhe huanë që do të marr.
Në fjalën e saj Kancelarja thekson se, Gjermania do të shpenzojë shuma të mëdha parash. Gjithashtu ajo paralajmëroi që për të ndihmuar qytetarët vitin e ardhshëm mund të ketë edhe shkurtime të taksave.
Ndër të tjera Merkel është treguar shpresëplotë për luftën që Gjermania po bën me COVID-19.
“Pas pothuajse nëntë muajsh me pandemi, ne tani po e shohim dritën në fund të tunelit”, tha kancelarja gjermane.
Nisur nga niveli ekonomik, Gjermania është një ndër vendet e Europës, e cila ka mbështetur si bizneset por dhe qytetarët duke legjitimuar paketa ndihme të njëpasnjëshme./ Opinion.al
