Pas prhapjes me ritme të shpejta të koronavirusit në Kurjë, mësohet se janë mbyllur dy fasoneri. Po ashtu, ato janë gjobitur ndërsa janë bllokuar 2 mjete që transportonin punëtorët për mungesë së kushteve higjeno-sanitare dhe zbatimin e masave për parandalimin e përhapjes së COVID-19.
“Një fasoneri u ndëshkua me 100.000 lekë, për mosrespektimin e distancës midis punëtorëve dhe një tjetër u ndëshkua me 300.000 lekë, për mosrespektimin e distancës në automjetin e punonjësve. Mjetet janë sekuestruar dhe aktiviteti i fasonerisë u mbyll për mungesë së kushteve higjeno-sanitare” informon policia.
Policia vijon kontrollet në territor për monitorimin e zbatimit të masave dhe apelon për të gjithë qytetarët, bizneset dhe drejtuesit e automjeteve që të respektojnë masat kufizuese dhe masat mbrojtëse./ Opinion.al
