Ish drejtori ekzekutiv i “Prospero Pharmaceutical”, Martin Shkreli, kërkon një lirim nga burgu për vetëm 3 muaj pasi mendon se mund të gjejë një medikament që trajton koronavirusin.
Në një kërkim prej 11 faqesh të publikuar në faqen zyrtare të kompanisë së krijuar nga Shkreli në 2015, biznesmeni rendit 8 medikamente ekzistuese të cilat sipas tij mund të përdoren për të luftuar Covid-19.
Kërkimi ka si autorë, Kefin Mulleady, ish bashkëpunëtor i Martin Shkrelit dhe dy shkencëtarët Maureen Lohry dhe James Rondina, të cilët edhe më parë kanë punuar në kompanitë e drejtuara nga shqiptari.
Shkreli është duke vuajtur një dënim me 7 vjet burg për mashtrim, por avokati i tij kërkon nga autoritetet një lirim të përkohshëm të klientit.
Brafman shton se nuk është problem nëse ai shoqërohet në ambientet e punës nën masa të rrepta sigurie por duhet lejuar që të shkojë në laborator për të punuar rreth këtij ilaçi./Opinion.al
