Presidenti francez Emmanuel Macron, ka dal nga karantina pa asnjë simptomë të COVID-19.
Njoftimi është bërë i ditur nga zyra e shtypit të presidentit nëpërmjet një deklarate në Twitter.
“Macron tani mund t’i japë fund karantinës së tij pasi ai u izolua për shtatë ditë në La Lanterne, afër Pallatit të Versajës”, tha zyra.
Kujtojmë që presidenti francez Macron, u karantinua më 17 dhjetor, teksa kishte simptoma si dhimbje koke, kollë dhe lodhje.
Në një video të publikuar dy ditë pas izolimit ai siguroi francezët se ishte mirë dhe se po e përballonte virusin pa simptoma të rënda, ndërsa u bëri thirrje qytetarëve francezë që të tregoheshin të kujdesshëm.
Macron nuk është i vetmi lider i cili është infektuar nga COVID-19. Më herët është raportuar edhe për presidentin amerikan, Donald Trump, kryeministrin britanik, Boris Johnson, të cilët janë hospitalizuar e pasi kanë rezultuar negativë kanë vazhduar detyrat e tyre./Opinion.al
— Élysée (@Elysee) December 24, 2020
