Kryeministri italian, Giuseppe Conte iu përgjigj kërkesave për ashpërsim masash në vend, pas përkeqësimit të bilancit të viktimave dhe të infektuarve me koronavirus.
“Për të parë rezultatet e vendimeve të qeverisë në luftën kundër koronavirusit duhet të presim disa javë”, u shpreh Conte.
Kreu i ekzekutivit shtoi se nuk do të ketë masa të reja sigurie dhe bëri thirrje që të respektohen ato që janë në fuqi.
Ndërkohë, për të frenuar përhapjen e Covid-19, qeveria italiane vendosi dhe kufizimin e transportit brenda vendit, ku nuk lejohen udhëtimet hyrëse dhe dalëse të qytetarëve./Opinion.al
