Krimet raciste ndaj qytetarëve me prejardhje nga Azia Jugore dhe Lindore janë rritur me 21% gjatë krizës, u shprehën ministrat. Susan Williams, ministria e zyrës së brendshme për luftën kundër ekstremizmit, i tha komitetit se ekstremizmi në përgjithësi nuk është rritur, por ka pasur një rritje të krimit nga urrejtja.
Incidentet e krimit nga urrejtja ndaj njerëzve kinezë në Britaninë e Madhe janë të dokumentuara mirë gjatë periudhës së bllokimit, duke përfshirë individë që janë pështyrë dhe sulmuar.
Vlerësimet e policisë sugjerojnë një rritje të trefishtë të incidenteve të tilla, në tre muajt e parë të vitit 2020, në krahasim me të njëjtën periudhë të vitit të kaluar. Pyetjet nga demokratët liberalë në lidhje me proporcionin e incidenteve të krimeve ndaj njerëzve me etni kineze. Oficerja Malthouse teksa përgjigjej nuk dha një shifër dhe tha: ‘Informacioni nuk mblidhet në bazë të përkatësisë etnike të viktimave.’
Caroline Dinenage, ministrja digjitale dhe e kulturës, i tha komitetit se kishte pasur një rritje të pornografisë hakmarrëse (kur publikohen video seksi pa miratimin e personit). ‘Për përdoruesit e rritur, ne kemi parë një prirje në rritje të fenomeneve si hakmarrja pornografike dhe shfrytëzimi i seksit, thirrje për ndihmë etj’,- tha ajo.
Numri i vizitave në faqen e internetit të Revenge Porn Helpline, shërbimi i financuar nga qeveria për të rriturit që kanë rënë pre e krimit, është dyfishuar nga 23 marsi. Rritja mendohet të jetë nxitur nga përdorimi i tejzgjatur i internetit dhe mediave sociale gjatë bllokimit. Dinenage tha gjithashtu se Action Mraud, qendra kombëtare e raportimit në Mbretërinë e Bashkuar për mashtrime dhe krime në internet, kishte marrë 1.300 raporte në lidhje me Covid-19, duke arritur në 2.8 milionë./ Opinion.al
