Autoritetet shëndetësore në Itali raportojnë se janë shënuar 18 020 raste të reja me COVID-19 në 24 orët e fundit nga 121 275 tamponë të kryer.
Po në 24 orët e fundit, 414 persona kanë humbur betejën me COVID-19, duke e çuar në 77 291 numrin total të fataliteteve.
Sipas të dhënave nga Ministria e Shëndetësisë, 2,587 pacientë janë të shtruar në spital në kujdesin intensiv, 16 më shumë se të mërkurën. Ndërkohë, në pavijonet e zakonshme të spitaleve, ka 23,291 pacientë, 117 më shumë në 24 orët e fundit./ Opinion.al
