Presidentja e Komisionit Evropian, Ursula von der Leyen, deklaroi se midis vendeve anëtare të Bashkimit Evropian, janë duke u zhvilluar bisedime në lidhje me mundësinë e zgjatjes ose jo të mbylljes së kufijve, përtej festës së Pashkëve.
“Ne jemi në konsultim me vendet anëtare se si do të vazhdohet përtej Pashkëve”, u shpreh ajo për Radio 1 Europe.
Von Der Leyen përsëriti gjithashtu se buxheti i ardhshëm i BE-së duhet të marrë formën e një “Plani Marshall” të ri për të nxitur rimëkëmbjen e Evropës nga shpërthimi i koronavirusit.
Sakaq, dy vendet me numrin më të madh të viktimave nga koronavirusi janë Italia dhe Spanja, të dyja anëtare të BE-së.
Më 17 mars, vendet anëtare të Bashkimit Evropian kanë rënë dakord të mbyllin kufijtë e BE-së për të gjitha udhëtimet jo thelbësore për 30 ditë./Opinion.al
