Cristiano Ronaldo i ka dërguar një fanellë të nënshkruar të Portugalisë Presidentit të SHBA-së, Donald Trump, që përfshin një mesazh të veçantë “të luajmë për paqen”.
Trump është aktualisht në Kanada për samitin e fundit të G7.
Ndërsa ishte në Alberta, ai është shoqëruar me liderë nga e gjithë bota. Një prej tyre është presidenti i Këshillit Evropian, Antonio Costa i cili i dorëzoi Trumpit fanellën e Ronaldos.
Bluzja është një nga fanellat që CR7 ka veshur ndërsa ka dalë në nivel ndërkombëtar.
Si një nga njerëzit më të fuqishëm në planet, Trump mund të ndihmojë në rivendosjen e rendit në zonat e konfliktit. Tensionet midis Izraelit dhe Iranit aktualisht po mbizotërojnë axhendën globale të lajmeve, me postimin e Trump në faqen e tij të Truth Social.
”Ne do të kemi paqe, së shpejti, midis Izraelit dhe Iranit! Shumë thirrje dhe takime po zhvillohen tani.”
Ronaldo, ndërkohë, duket se është i gatshëm të bjerë dakord për një zgjatje të kontratës së tij me skuadrën Saudite Pro League Al-Nassr pasi hodhi poshtë mundësitë për t’u bashkuar me një nga klubet që garojnë në ngjarjen e Kupës së Botës për Klube FIFA që po zhvillohet në tokën amerikane.
