12 urdhëra sekuestrosh për bllokim të aksioneve janë lëshuar ndaj Kompanisë Copri-Aktor që po merret me ndërtimin e rrugës Tiranë-Elbasan vetëm në vitin që kaloi. Sipas të dhënave në qendrën kombëtare të regjistrimit dhe dokumentave që shoqërojnë urdhrat e bllokimit vërehet se kompania nuk ka mundur të kryejë pagesat për furnitorët, persona fizik dhe nënkontraktorë të ndryshëm duke u zhytur keshtu në miliona lekë borxhë.
Për këtë arsye shoqëritë përmbarimore janë drejtuar në QKR duke bllokuar llogaritë bankare dhe aksionet e kompanise Copri –Akto. Kjo gjë duket se e ka vënë në vështresi financiare kompaninë, duke vënë kështu në pikëpyetje sërisht përfundimin brenda afatit të punimeve të rrugës Tirane Elbasan që duhet të pëfundojë brenda muajit qershor.
Te kontaktuar nga Tv Klan, drejtues të firmës thonë se kjo situatë është shqetesuese për ta por nuk do të ndikoje në përmbylljen e punimeve brenda afatit të parashikuar. Ata thonë se janë drejt zgjidhjes së problemeve .
Sipas te dhënave të QKR, përmbaruesi i parë vendosi sekuestro ndaj firmës greke për një borxh 43 milionë lekë të papaguar ndaj një shoqerie tregtare. Më pas gjatë muajit maj një tjetër kompani përmbarimore kërkuar bllokimin e kuotave të Actor në QKR për një detyrim të pashlyer me vlerë 877 mijë euro ndaj nje kompanie ndërtimi.
E pyetur nga Tv Klan Kompania “Copri actor” pretendon se nuk është paguar nga qeveria për punë të kryera, dhe kjo ka sjellë edhe krijim të borxheve. /tvklan/
