Një qeveri e koalicionit është pajtuar në Itali, duke i dhënë fund muajve të pasigurisë në ekonominë e katërt më të madhe të BE-së.
Kryeministri i caktuar Giuseppe Conte i paraqiti listën e tij të ministrave presidentit Sergio Mattarella për herë të dytë brenda një jave, ndërsa qeveria e re do të betohet ditën e sotme (e premte) në orën 16:00 në Presidencë.
Ministrat janë pjesë e partive anti-establishment si ‘5 yjet’ dhe ‘Lega’ e krahut të djathtë.
Conte këmbëngul se ka me vete ekipin më të mirë të ministrave.
Ekzekutivi i ri do të përbëhet nga 6 teknikë, 7 pjesëtarë të M5S dhe 6 të Lega-s.
Përpjekjet për të formuar një qeveri teknokratike kishin dështuar.
Mattarella kundërshtoi zgjedhjen e Contes për ministrin e Ekonomisë, por për një tjetër kandidat u ra dakord të enjten./Opinion.al
