Coca-Cola planifikon që të prodhojë pije me alkool për herë të parë në historinë 125-vjeçare të kompanisë. Këto pije të reja do të jenë një produkt vetëm për në Japoni. Përqindja e alkoolit do të variojë midis 3% dhe 8%, sipas volumit të shisheve të Coca-Cola.
Një drejtues ekzekutiv i kompanisë së Coca-Cola në Japoni tha se ky është një eksperiment për një grup të caktuar në tregun japonez. Ai theksoi se Coca-Cola e re me alkool nuk do të shitet jashtë Japonisë.
“Nuk kemi eksperimentuar më parë në kategoritë alkoolike, por ky është një rast që ne vazhdojmë të eksplorojmë mundësitë jashtë fushave tona kryesore”, tha Jorge Garduno, President i Coca-Cola në Japoni. Firmat më të mëdha të pijeve në Japoni, kanë variante të ndryshme të produkteve të tyre dhe vazhdojnë te eksperimentojnë me shijet. /tvklan.al
