Rrjeti prestigjoz amerikan CNN sjell disa prej ngjarjeve më të rëndësishme të javës që lamë pas nëpërmjet fotove. Pjesë e kësaj galerie nuk janë bërë vetëm emigratët në kufi të Greqisë, por edhe një foto e shkëputur nga “Nata e Zjarreve” në Prekaz të Kosovës, ceremonia e përvitshme në nder të heroit të rënë Adem Jashari dhe familjes së tij.
Një manifestim që mbahet çdo vit më 5 – 7 Mars dhe ku njerëz të shumtë veshin uniformat e UÇK -së dhe ndezin flakadanë në nder të Jasharëve në Prekaz dhe tek kulla e Komandantit legjendar Adem Jashari.
