Mbrëmjen e djeshme në Teatrin Dolby në Los Anxhelos, Kaliforni, u mbajt ceremonia e 95-të e çmimeve Oscar.
Në këtë ceremoni të mbushur me yje, janë shpërndarë çmimet për performancat më të mira në film.
Ceremonia u drejtua nga komediani Jimmy Kimmel, i cili për të është hera e tretë që merr rolin pritës
Kryesues të nominimeve këtë vit ishin filmat Elvis, Tár, Everyëhere Everywhere All at Once dhe The Fabelmans.
Cate Blanchett, Ana de Armas, Andrea Riseborough, Michelle Williams dhe Michelle Yeoh garuan për aktoren më të mirë. Austin Butler, Colin Farrell, Brendan Fraser, Paul Mescal dhe Bill Nighy ishin kandidatët për aktorin më të mirë.
Michelle Yeoh ishte aktorja e cila ka fituar çmimin e saj Oscar në kategorinë “Aktorja më e mirë”, një moment që emocionoi të gjithë publikun dhe ishte padyshim një sukses në jetën e saj profesionale.
Ndërkohë, Oscar-i për aktorin më të mirë në një rol kryesor shkoi për Brendan Fraser për filmin “The Whale”. Fraser dha një performancë të zhytur nën grim si një mësues i izoluar dhe mbi peshë në film.
Ai falënderoi akademinë dhe studion për realizimin e një “filmi të guximshëm”, gjithashtu regjisorin Darren Aronofsky që i dha atij një rol jetësor.
Fraser falënderoi kolegët e tij të nominuar, duke thënë: “Është një nder të emërohem pranë jush në këtë kategori.”/Opinion.al
