E ndërsa numri i shqiptarëve që preferojnë të kalojnë pushimet jashtë vendit është në rritje, operatorët turistikë rendisin arsyet që e bëjnë Shqipërinë më pak tërheqëse, jo vetëm për shqiptarët, por edhe të huajt.
Ata shprehin shqetësimin se pa uljen e TVSH -së në turizëm dhe pa politika fiskale lehtësuese, sekori i turizmit rrezikon të mbetet i pazhvilluar, pasi përballet me një konkurencë të fortë nga vendet e rajonit.
Si pengesë për turizmin shqiptar shihet edhe mungesa e kompanive “low cost” dhe çmimet e larta të biletave nga koncesionari i Aeroportit të Rinasit.
Operatorët turistikë kërkojnë nga qeveria shqiptare ulje të Tatimit mbi Vlerën e Shtuar në turizëm në masën 10 ose 8% nga 20% që është aktualisht. /tvklan/
