Këtë të martë, Partia Demokratike e Elbasanit, po zhvillon një protestë për rritjen e çmimeve të karburanteve.
Protesta ka nisur rreth orës 11:00. Ndërkohë sikurse shfaqet në pamjet e transmetuara në media disa përfaqësues të shoqërisë civile në shenjë proteste kanë fikur automjetet në rrethrrotullimin e 1 majit.
Bulevardi është bllokuar nga protesta, kurse qytetarët kanë shprehur revoltën e tyre jo vetëm për çmimin e karburanteve, por edhe për krizën e rëndë ku thonë se janë zhytur.
Kjo protestë e parlajmëruar nga PD është pjesë e aksionit politik të Partisë Demokratike jo vetëm në Elbasan, por në qytete të tjera të vendit.
