Çmenduria e bitcoin ka përfshirë zyrtarisht edhe pasuritë e patundshme. Edhe pse kjo valutë është e rrezikshme dhe e paqëndrueshme, njerëzit kudo në Shtetet e Bashkuara, Australi, Kanada etj po shesin shtëpitë dhe pronat e tyre në këmbim të monedhës. Edhe pse së fundmi bitcoin-it i ra vlera nga $14,000 në $11,000, njerëzit vazhdojnë të shesin shtëpiat për një monedhë që nuk njihet.
Bitcoin Real Estate është një uebsajt që i ka monitoruar prej vitesh këto shit-blerje. Sipas tyre ky trend po rritet dita ditës me shpejtësi marramendëse. Një agjent shitjesh në Miami thotë se pronat që listohen për tu shitur apo blerë me bitcoin janë kryesisht ndërtesa tepër luksoze.
Problemi kryesor i blerjeve me bitcoin është që kjo teknologji po zhvillohet më shpejt se ligjet dhe qeveria. Momentalisht ajo që pranohet është konvertimi i bitcoin-ave në para të thata me të cilat mund të bëhen blerje. Përveç kësaj, nuk ka ende një shërbim që ofron ruajtjen e monedhave bitcoin.
Megjithatë të apasionuarit pas bitcoin duket se po i anashkalojnë të gjitha këto vështirësi dhe po vazhdojnë të shesin apo të blejnë më bitcoin.
