Dy shqiptarë janë dënuar nga gjykata në Angli për kultivim të lëndëve narkotike. Bëhet fjalë për shtetasit Elidon Leka, 26-vjeç dhe Blerim Daci 28-vjeç, të cilët janë arrestuar më parë, pasi kishin krijuar një plantacion kanabisi në një klub nate të braktisur, përballë me stacionin e policisë.
Ata kishin kultivuar 60 bimë kanabis në klubin e natës, në rrugën Carshalton, në Sutton, Angli.
Sipas policisë, sasia e gjetur e lëndës narkotike kapte vlerën prej rreth 170.000 paund.
Policia gjithashtu tha se të dy shqiptarët kishin fjetur në këtë klub nate, i cili kishte 2 vite që ishte mbyllur.
Gjykata e Croydon Crown për 26-vjeçarin Leka vendosi 1 vit e 8 muaj heqje lirie, ndërsa për Blerim Dacin 2 vite burg./Klan
