Fakte tronditëse po zbardhen nga prokuroria lidhur me abuzimin e tre vajzave në Jetimoren e Shkodrës.
Në vijim të marrjes së deklarimeve organi i akuzës zbulon se si një prej tre vajzave të dhunuara u detyrua të heshte pas rrahjes abuzive nga ish-Drejtoresha Albana Lllazani tashmë e arrestuar.
Minorenia 12 vjeçare u ka rrëfyer prokurorëve është abuzuar seksualisht në ambientet e Qendrës nga një djalë pak më i madh në moshë.
Pasi ia ia ka treguar drejtoreshës së institucionit, reagimi i saj ka qenë akoma më i rëndë dhe tronditës së sa rrëfimi i vazjës së dhunuar.
Llazani e ka detyruar të mbyllë gojën dhe të mos tregojë duke e rrahur në mënyrë brutale me një thupër.
Ish-drejtoresha ishte në dijeni se kush ishte djali që kishte abuzuar seksualisht me të miturën dhe ka kërkuar me insistim që ta mbyllë këtë çështje pa zhurmë.
Djali përdhunues ishte i vetë drejtoreshës. Rrëfimi i vajzës ka tronditur prokurorët e e cila në prani edhe të psikologes ka treguar me hollësi veprimeve të dhunshme të agresorit ndaj trupit të saj të paformuar.
Ekspertiza mjeko-ligjore ka provuar se e mitura është e defloruar (zhvirgjëruar) pa arritur ende moshën e pjekurisë seksuale.
Ky skandal i rëndë është munduar të mbahet i fshehtë dhe është zbuluar vetëm gjatë hetimeve të nisura për keqtrajtime ndaj të miturve në qendrën e fëmijëve në Shkodër.
Të miturit, gjithnjë nën shoqërinë e psikologut, kanë dëshmuar se kujdestaret e Qendrës iknin me orë të gjata nga institucioni, duke i lënë fëmijët vetëm.
Gjatë kësaj periudhe pa kujdestarë, fëmijët meshkuj të moshës më të madhe i detyronin më të vegjlit të shihnin filma “me pullë të kuqe” në platformën dixhitale televizive që kishin në Qendër.
Për më tepër, të miturit detyroheshin që të kryenin të njëjta veprime me ato që kryenin personazhet në filmat për të rritur.
Raporti i Avokatit të Popullit që i është dorëzuar Prokurorisë së Përgjithshme dhe që ka siguruar ‘Ora News’ zbulon dhe detaje të tjera të frikshme të dhunës dhe keqtrajtimeve.
Fëmijët që rriheshin me këmbët e karrigeve apo që lanin banjot e institucionit. / Ora News
