Britania e Madhe pret me padurim ardhjen në jetë të foshnjës së princ Harry dhe bashkëshortes së tij Meghan, ndërsa gjinia, emri dhe madje ngjyra e flokëve kanë nisur të bëhen objekt bastesh.
Sipas profesionistëve britanikë në fushën e basteve, mendohet që fillimi i muajit maj të shënojë edhe ardhjen në jetë të foshnjes mbretërore, e cila sipas parashikimeve do të quhet Diana.
Sa i takon gjinisë, bastet anojnë më tepër nga vajzat, ndërsa të shumtë janë ata që mendojnë se fëmija do të ketë flokë të kuqërremtë. Për sa i përket emrit, ai i nënës së princit Harry, Diana është favoriti kryesor me 60% të basteve, pohon Rupert Adams, ndërsa mbeten në lojë emra si Grace, Arthur, Alice.
Tek kompania më e madhe e basteve në Britani ‘’Paddy Power’’, emri Diana renditet në krye me një kuotim prej 3/1, më pas Grace me 7/1, Alice 10/1, Isabella 12/1, Alexandrina dhe Victoria 14/1, ose Elizabeth 20/1.
‘’Unë nuk e kuptoj aspak këtë’’, shtoi Rupert Adams, duke sjellë në kujtesë vdekjen tragjike të Diana, e cila vdiq në një aksident me makinë në 1997, teksa pohoi se asnjëherë nuk ka parë kaq shumë baste lidhur me një foshnje mbretërore./Opinion.al
