Pas një mungese të gjatë goli, rikthehet Sokol Cikalleshi. Sulmuesi kavajas ka shpërthyer sot në ndeshjen e Kupës së Turqisë ku skuadra e tij Isanbul Basaksehir fitoi shtëpi ndaj Sanliurfaspor ekip që luan një kategori më poshtë.
Takimi është i vlefshëm për fazën e dytë të Kupës dhe ekipi ku aktivizohet Cikalleshi fitoi 4-1. Tre golat për ekipin vendas i ka shënuar pikërisht futbollisti shqiptar.
Sulmuesi kuqezi ka hapur serinë e golave në minutën e 12-të për ta vazhduar më pas në pjesën e dytë, saktësisht në minutat 58′ dhe 63′. Një ndeshje perfekte për lojtarin shqiptar i cili rikthehet fuqishëm pas një agjërimi të gjatë.
