Bashkia e Beratit ka gjobitur me 200 mijë lekë shtetasen, Thimie Naço, për mbajtje të shpendëve brenda zonave të banuara.
Sipas “beratinews.com” Naço u gjobit vetëm për dy pula që mbante në shtëpi.
Nga vendim duket qartë se gjoba mban datën 21.04.2016, dhe duhet të paguhet brenda 10 ditëve nga data e njoftimit të vendimit.
Në rast të kundërt, për çdo ditë vonesë, kundërvajtësi duhet të paguajë 2 për qind në muaj të masës së gjobës.
Vendime të tilla qesharake tregojnë për seriozitetin e thellë të bashkisë Berat në luftën kundër informalitetit.
Por ky nuk është rasti i vetëm i kësaj bashkie.
Pak kohë më parë shtetasi Shaban Dulla u gjobit me 200 mijë lekë për shkak të mbajtjes së një lope në zonë të banuar.
