Renault para disa muaj ka promovuar versionin e ristilizuar të modelit të gjeneratës aktuale, Clio, ndërsa sipas shkrimit të revistës franceze “Auto Plus” gjenerata e re e këtij modeli do të jetë në dispozicion në shtator të vitit të ardhshëm.
Kjo do të thotë se gjenerata e re e Renault Clio do të prezantohet në panairin e veturave në Paris.
“Auto Plus” thotë se Clio i ri do të përdorë platformën CMF-B dhe se në gamën e motorëve do të gjenden motorët benzinë me kapacitet prej 75 deri 120 kuajfuqi dhe motorët dizel me kapacitet prej 75 deri në 110 kuajfuqi.
Së bashku me versionin e rregullt, Clio i ri mund të jetë në dispozicion edhe në version sportiv RS. Po ashtu, përmendet edhe versioni Hybrid Assist me motor dizel 1.5-litër dCi me kapacitet prej 110 kuajfuqi.
Ashtu siç pritej, thuhet se Renault Clio i ri do të ofrojë më shumë hapësirë në interier, si dhe sistemin e sigurisë të përditësuar dhe disa sisteme të ndryshme për ndihmë të shoferit.
