Kryeministri, Edi Rama ka zhvilluar një takim informal me ish-Presidentin e SHBA-së, Bill Clinton, në vilën qeveritare në zonën e ish-Bllokut.
Ish-Presidenti i SHBA-së prej pasdites së ditës së djeshme ndodhet në vendin tonë.
Pas takimit me Ramën, pritet që ish-Presidenti amerikan Clinton të vizitojë ambasadën amerikane në Tiranë në kuadër të Ditës së Pavarësisë së SHBA.
Kjo do të shënojë edhe vizitën e fundit të ish-Presidentit Clinton në Shqipëri, i cili pritet të niset drejt Shteteve të Bashkuara të Amerikës rreth orës 14:00.
Edhe ditën e sotme, në fashën orare 14:00 deri në 15:30, drejtuesit e automjeteve këshillohen të shfrytëzojnë rrugën dytësore nga Vora për të qarkulluar në drejtim të aeroportit të Rinasit, pasi do të jenë të bllokuara rrugët: Nga Rinasi – Qafa e Kasharit – Mbikalimi tek Casa Italia – nënkalimi te ish-sheshi “Shqiponja”.
Rrugë të tjera që do të bllokohen janë Bulevardi “Dëshmorët e Kombit”, nga kryqëzimi i Ministrisë së Brendshme deri te sheshi “Nënë Tereza”, rruga “Ismail Qemali”, rruga “Papa Gjon Pali II”, rruga “Ibrahim Rugova” dhe rruga “Ukraina e Lirë”./Opinion.al
