Megjithëse Dolad Trump fitoi, numrin më të lartë të votave amerikanët ja dhanë Hillary Clinton-it. Rezultati i votës popullore është 47.7% për Hilary Clinton dhe 47.5% për republikanin Donald Trump.
Shifrat edhe mund të ndryshojnë pasi nuk ka përfunduar akoma numërimi i votave të dërguara me postë. Por nëse trendi vazhdon të mbetet i tillë, Clintoni do të bëhet e para kandidate presidenciale që prej Al Gore-it në vitin 2000 që fiton votën popullore dhe humbet zgjedhjet.
Donald Trump fitoi sepse arriti të siguronte më shpejt 270 vota elektorale. Por katër vjet më parë, ai vetë do të shkruante në “Twitter” se kolegji elektoral është një katastrofe për demokracinë ne SHBA.
Amerika përdor në zgjedhje një sistem të quajtur Kolegji Zgjedhor, i cili cakton një numër të caktuar votash elektorale për çdo shtet bazuar në numrin e popullsisë. Me përjashtimin e Nebraskës dhe Maine-t, të gjithë shtetet e tjera kandidati që merr shumicën e votave merr të gjitha votat elektorale të atij shteti. President i ardhshëm i vendit bëhet ai që siguron të paktën 270 nga 538 votat elektorale që janë gjithsej.
