Vijojnë me ritëm të shpejtë ndeshjet e NBA-së, që vazhdon të dominohet nga Cleveland në Lindje dhe San Antonio në Perëndim, dy ekipe që nuk kanë pësuar asnjë humbje deri më tani. Kampionët e Cavaliers fituan sot në mëngjes 105-99 ndaj Orlando, ndeshje e dominuar nga vendasit, ku leBron James realizoi 23 pikë, Irving 20 dhe Love 19, një trio që po bën diferencën në çdo sfidë. Fiton edhe Chicago, që triumfoi 118-101 ndaj Indiana, falë një loje të mirë kolektive, ku 6 lojtarë realizuan mbi 11 pikë. Më i miri për Bulls ishte McDermott me 23 pikë.
Në Perëndim, dominon San Antonio, që fitoi 98-79 ndaj New Orleans, duke mbetur e pamposhtur dhe kryeson renditjen në Konferencën e Perëndimit. Është sërish Leonard ai që bën diferencën në parket, duke realizuar 20 pikë, mbështetur edhe nga Mills me 18 pikë. triumfon edhe Boston, 104-98 ndaj Charlotte, ku dyshja Bradley-Thomas realizoi së bashku 55 pikë. Në sekondat e fundit fiton edhe Sacramento, që mposhti 106-103 Minnesota, ku u dalluan Cousins me 29 pikë dhe Gray me 28.
Rezultatet e sotme
Philadelphia – Atlanta, 72-104
Charlotte – Boston, 98-104
Cleveland – Orlando, 105-99
New York – Memphis, 111-104
Chicago – Indiana, 118-101
Denver – Portland, 113-115
Milwaukee – Brooklyn, 110-108
San Antonio – New Orleans, 98-79
Sacramento – Minnesota, 106-103
/ telesport
