Për më shumë se një orë Kuvendi i Shqipërisë u përfshi në kaos dhe rrëmujë, ku opozita tentoi të pengonte punimet e seancës plenare.
Demokratët morën karriget dhe i kthyen përmbys para foltores së Kuvendit.
Gjatë gjithë seancës deputetë socialist qëndruan në këmbë, ndërsa demokratët kanë vijuar të pengojnë punimet.
Deputeti i PS, Fatmir Xhafaj një moment i është drejtuar demokratëve për të marrë karriget por është penguar nga këta të fundit.
Replikat në Kuvend:
Luan Baçi: Me pëlqen profesioni i kameramanit!
Fatmir Xhafaj: Ushtroje si profesion….
(Tenton te marre karrigen, deputetja Elda Hoti e pengon)
Elda Hoti: Jo, jo s’mund ta marrësh!
Sali Berisha: Ti po provokon!
Deputeti i PD: Lejoni komisionet hetimore…
Fatmir Xhafaj: Po ç’lesh komisionesh hetimore…
Deputeti i PD: Fatmir edhe ti si shokët…
Fatmir Xhafaj: S’mund të merrni karriget, çfarë bëni kështu!
Sali Berisha: Riktheni të drejtat Kushtetuese! Je dhe jurist! Rikthe te drejtat Kushtetuese te opozitës!
Luan Baçi: Antoneta do rrini të gjithë në këmbë sot.
Antoneta Dhima: Po ta kishit për hallet e qytetarëve, ua bëja hallall.
Bledi Çuçi: Të gjithë do rrimë në këmbë, edhe Gjekmarkaj duhet të çohet në këmbë.
