Cili është ushqimi që fshihet pas lëkurës perfekte të Victoria Beckham?

Sa herë Victoria Beckham flet publikisht për rutinën e saj në kuadër të paraqitjes së jashtme, të gjithë jemi sy e veshë drejtuar nga ajo. Dhe jo më kot! Është një ndër femrat më me klas e më të kuruara sot për sot, e cila ruan edhe prestigjin e një familje sa të madhe, aq dhe të suksesshme. E pyetur në një intervistë lidhur me lëkurën e saj perfekte, Beckham betohet se pas gjithë atij shkëlqimi fshihet një produkt i vetëm ushqimor. “Unë kam vuajtur shumë me lëkurën, pasi ka qenë gjithmonë tepër problematike. Kur takova një dermatolog të mrekullueshëm në Los Anxhelos, ai më këshilloi të konsumoja salmon, çdo ditë të javës. Në mëngjes, drekë apo darkë, mjeku këmbënguli që salmonin të mos e ndaja nga dieta e përditshme ushqimore.” E në fakt, kjo nuk është e çuditshme, për aq kohë sa shkenca e vërteton më së miri këtë. I pasur me përmbajtje acidi omega-3 dhe vitaminë A e C, salmoni jo vetëm që shërben si anti-inflamator, por parandalon shfaqjen e akneve në lëkurë, duke balancuar yndyrën e lëkurës. Epo, e kemi thënë disa herë që si produktet e detit nuk ka, apo jo?