Termin SST (Sëmundje Seksualisht të Transmetueshme) me siguri e keni dëgjuar për herë të parë në 8 vjeçare, ndërsa përpiqeshit të merrnit sa më shumë informacion por nga ata tjetër skuqeshit nga turpi në klasë. Ndërsa tani, papritur të gjithë po përdorin termin IST (Infeksione Seksualisht të Transmetueshme).
A është SST dhe IST e njëjta gjë, apo ndryshojnë? Dhe nëse po, si?
Në parim, SST dhe IST janë e njëjta gjë. Ato përfaqësojnë një grup virusesh dhe gjendjesh si sifilizi, gonorrea, klamidia etj. Ndryshimi madhor mes tyre është që njëra shfaq simptoma (SST) dhe tjetra jo (IST).
“Mund të kesh një infeksion, si klamidia, pa simptoma. Sëmundja do të thotë veçse që simptomat e infeksionit janë prezente,” shprehet Angela Jones, një mjeke obstetre gjinekologe.
“Këtu futet në përdorim termi IST, sepse shumë nga infeksionet e marra në rrugë seksuale mund të mos shfaqin simptoma,” shton ajo.
Teena Chopra, Drejtore e koorporatës mjekësore për parandalimin e infeksioneve, thotë se është dakort me këtë përkufizim, por ajo e çon më tutje duke thënë se termi IST fillimisht u përdor për herpesin dhe HPV-në, dy infeksione të cilat mund të shkonin vite pa shfaqur simptoma ose kurrë, por mund të përdoret edhe në rast pranie të simptomave, thjesht dhe vetëm për faktin se fjala ‘sëmundje’ i tremb bartësit dhe jo bartësit, e konsiderohet e papranueshme.
Ajo konstaton se përdorimi i fjalës ‘infeksion’ në vend të ‘sëmundje’ i ka bërë bartësit të ndihen më komod dhe të kërkojnë ndihmë mjekësore./Opinion.al
