Një rrjedhje e madhe informacionesh dhe dokumentesh tregon metodat e fshehta që përdorin njerëz me pushtet dhe të pasur në vende që konsiderohen «Parajsa fiskale » në mënyrë që të fshehin pasurin e tyre.
Këto informacione sekrete kanë dalë nga prej kompanive më të fshehta në botë, një studio ligjore në Panama e quajtur “Mossac Fonseca ».
Informacionet sekrete tregojnë se si klientet e kësaj studioje ligjore nuk deklarojnë shuma të mëdha parash duke evituar sanksione financiare dhe iu shmangur taksave.
Në një rast, studioja ligjore nga Panamaja i ka ndihmuar një milioner amerikan që të bëjë deklarim të rremë pasurie për t’iu fshehur autoriteteve nga taksimi. Ky shembull është tregon se si thehet një ligj ndërkombëtar për evitim të taksave.
Po cilët janë lojtarët e mëdhenj të përfshirë në Dosjen gjigante Panama ?
Disa dokumente tregojnë se si një anëtarë kyç i organit të Komitetit Etik të FIFA-s, avokati uruguajan Juan Pedro Damiani dhe studioja e tij ligjore kanë marrë asistencë ligjore për të paktën 7 kompani fantazëm të cilat janë të lidhura me ish-zv/presidentin e FIFA-s të arrestuar majin e shkuar për llogari të një hetimi në SHBA që lidhej me akte korruptive në organin më të lartë futbollit botëror.
Gjithsesi ka edhe mënyra të ligjshme në mënyrë që të funksionojnë parajsat fiskale, të cilat mundësojnë më së shumti origjinën e vërtetë të poseduesve të pasurive financiare, dmth origjinën e parave duke shmangur në këtë mënyrë taksat për pasuritë.
Po çfarë mund të thonë ata që janë përfshirë në këtë mega aferë gjigante ?
Studioja ligjore Mossac Fonseca nga Panamaja ka operuar për mbi 40 vite pa patur asnjë akuze publike në aktivitetin e saj. Zëdhënësi i presidentit rus, Dmitry Peskov u shpreh për gazetarët dhe organizata gazetarësh po përpiqen në çdo mënyrë të delegjitimojnë pushtetin dhe të prishin figurën e presidentit rus e të Rusisë në botë.
Ndërsa kryeministri islandez gjatë një interviste me një gazetar suedez u shpreh se me këtë çështje ishin marrë këshilltarë të tij dhe jo ai personalisht. Ndërkohë ai pas kësaj deklarate ka ndërprerë intervistën.
Ndërsa FIFA me anë të një deklarate për mediat është shprehur se prej disa kohësh tashmë i ka ndërprerë marrëdhëniet e saj të bashkëpunimit me avokatin uruguajan Damiani i përfshirë në skandal.
Kush i bëri publike materialet e dosjes së famshme « Panama » ?
11,5 miliardë dokumente të poseduara nga gazeta e njohur gjermane, Suuedetsche Zeitung janë shpërndare për mediat së bashku me Konsorciumin Ndërkombëtar të Gazetarëve Investigativë, një rrjet i njohur ndërkombëtar i gazetarëve investigativë në botë. Në këtë rrjet janë pjesë 109 organizata mediatike nga 76 vende të botës. Kjo është rrjedhja më e madhe e informacionit duke tejkaluar edhe skandalin e Ëikileaks. Informacionet e këtij skandali variojnë në hapësirë kohore nga vitit i largët 1977 deri në vitin 2015./Opinion.al
