U dashuruan në setin e xhirimeve dhe në vitin 2016 i thanë “po” martesës me njëri-tjetrin, por lidhja e tyre e dashurisë po kalon vështirësitë më të mëdha në vite.
Media turke raporton se martesa e aktores së dashur turke Neslihan Atagul me aktorin Kadir Dogulu, mund të jetë duke shkuar drejt divorcit.
Marrëdhënia mes tyre ka pësuar një krisje të fortë disa netë më parë, kur Dogulu është kthyer shumë vonë në shtëpi dhe ka debatuar ashpër me Atagul.
Konflikti është konfirmuar për median nga Atagul, e cila në dalje të një qendre tregtare, tha se “është e vërtetë që kemi pasur debate, por media e ka ekzagjeruar ca. Marrëdhënia jonë, si gjithmonë është shumë e mirë.”
Por, media turke thotë se Atagul nuk ka qenë krejt e sinqertë me gazetarët, pasi për të shuar akullin mes çiftit nuk ka ndihmuar as festa e të dashuruarve.
Dy aktorët që më parë nuk linin mundësi të kalonte pa postuar foto me njëri-tjetrin, prej muajsh nuk kanë postuar foto bashkë në rrjetet sociale.
Atagul dhe Dogulu u dashuruan gjatë xhirimeve të serialit “Mes dy dashurish”, ku luanin rolet e Nerimanit dhe Maxhitit.
/tvklan.al
