Banesa e një 76-vjeçari ka rënë pre e një grabitje ditën e sotme në Peqin. Mësohet se banesa e të moshuarit, Skënder Beqiri, është grabitur nga një çift bashkëshortësh.
Ata kanë mundur të marrin sende me vlerë si dhe një shumë të konsiderueshme parash.
Nga veprimet paraprake të kryera rezulton se rreth mesditës në banesën e tij ka shkuar një çift, me pretendimin se gruaja kishte nevoja personale.
Dyshohet se çifti i ka dhënë për të pirë një shishe me lëng te moshuarit, duke i paralizuar kujtesën.
76-vjeçari ka mundur të kuptoj qëllimin e tyre dhe është përpjekur ti ndalojë, por ata e kanë lidhur duke e detyruar që të tregonte se ku i mbante paratë.
Në momentin e grabitjes, në banesë ndodhej vetëm i moshuari, ndërsa bashkëshortja e tij nuk ndodhej në shtëpi në atë moment.
Pas ngjarjes Skënder Beqiri është shtruar në spitalin e Elbasanit ku po merr mjekimin e nevojshëm. Ka qenë bashkëshortja e të moshuarit ajo që i ka dhënë ndihmën e parë dhe më pas ka njoftuar për ndihmë fqinjët e saj.
Ndërkohë, policia po punon për identifikimin dhe arrestimin e grabitësve./ Opinion.al E.Xh.
