Është hedhur këtë të premte shorti i çerekfinaleve të Europa League. Në Nyon të Zvicrës goglat kanë rezervuar përballje të forta. Duel italianësh në këtë fazë, me Milanin që gjen Romën. Liverpool s’e ka të lehtë me Atalantën, ndërsa Leverkusen gjen West Ham. Benfica përballet me Marseille.
Ndeshjet e fazës çerekfinale:
Ndeshja 1: Milan – Roma
Ndeshja 2: Liverpool – Atalanta
Ndeshja 3: Bayer Leverkusen – West Ham
Ndeshja 4: Benfica – Marseille
Ndërkohë që janë mësuar edhe përballjet e mundshme në fazën gjysmëfinale. Fituesi i çiftit Benfica – Marseille përballet me atë të Liverpool – Atalanta dhe fituesi i çiftit Milan – Roma luan me fituesin e Bayer Leverkusen – West Ham.
Çerekfinalet: ndeshjet e para 11 prill dhe ndeshjet e kthimit 18 prill 2024
Gjysmëfinalet: ndeshjet e para 2 maj dhe ndeshjet e kthimit 9 maj 2024
Finalja: 22 maj 2024 në ‘Dublin Arena’, në Republikën e Irlandës.
