“Roma? Asnjë nuk më thirri kurrë, nuk ka asnjë lloj telefonate”. Kështu deklaroi trajneri i Kombëtares së Shqipërisë, Christian Panucci në lidhje me një largim të mundshëm të tij.
“Ranieri? është zgjedhja e duhur. E njeh ambientin, do të jetë si një doktor i mirë për Romën”, theksoi më tej tekniku italian.
Pavarësisht nëse ka apo jo një kërkesë nga Roma, një pengesë për teknikun italian do të ishte kontrata me Federatën Shqiptare të Futbollit, që përfundon në nëntor, por edhe detyrimi moral pas mbështetjes së plotë që pati nga presidenti i saj, Armand Duka.
Christian Panucci u konfirmua në stol edhe pas paraqitjes së dobët në Ligën e Kombeve, dhe zërave se nuk shkon mirë me lojtarët./Opinion.al
